RIBASHKIMI I SHQIPËRISË... e vetmja alternativë! www.fbksh-aksh.tk . PER ANTARSIM NE FBKSH-AKSH JU LUTEM JEPNI TE DHENAT NE E-mail : fronti-web@hotmail.com

identifikimi

Harrova fjalkalimin

Tema Fundit

» PER SHQIPEN
Wed 30 Mar 2011, 23:21 nga erald nuhaj

» KU JANE POETET
Wed 12 Jan 2011, 20:37 nga shaban cakolli

» NJE GJAKE, NJI GJUHE
Sat 11 Dec 2010, 14:57 nga biligoa

» Alarm Ne IJRM gjendja kaotike
Wed 17 Feb 2010, 23:10 nga refik

» emblema e UKSH-se
Thu 17 Dec 2009, 02:12 nga UKA

» Faton Osmani dënohet tre vjet burgim si pjestar i AKSH-së !!
Thu 26 Nov 2009, 00:21 nga UKA

» REAGIM I AKSH-SË
Wed 28 Oct 2009, 23:52 nga AKSH

» A na duhet aleanc shqiptaro-kroate.
Tue 27 Oct 2009, 02:49 nga urani29

» MOSKOORDINIMI I FORCAVE VEPRIMTARE
Mon 26 Oct 2009, 02:06 nga AGU

RIBASHKIMI I SHQIPËRISË... e vetmja alternativë! www.fbksh-aksh.tk   Free counter and web stats

                                                               Free counter and web stats

    Figura të Shquara Kombëtare-

    Share

    biligoa
    Toger
    Toger

    Numri i postimeve : 308
    Join date : 08/01/2009
    Location : MK. DIBËR

    Figura të Shquara Kombëtare-

    Mesazh nga biligoa prej Sun 11 Jan 2009, 01:58

    Gjergj Kastrioti Skenderbeu

    Gjergj Kastrioti - Skënderbeu, (6 maj 1405 - 17 janar 1468)

    Gjergj Kastrioti i njohur sipas titullit të tij Skënderbeg është Heroi Kombëtar i shqiptarëve.

    Gjergj Kastrioti ishte djali më i vogël i Gjon Kastriotit dhe i princeshës malazeze Vojsava, fëmija i fundit midis 4 djemve dhe 5 vajzave. Mendohet se lindi më 6 maj 1405, u morr peng nga pushtuesit turq që në moshë të mitur dhe u dërgua në oborrin e sulltanit në Adrianopojë. Atje, zgjuarsia dhe shkathtësia e çuan Gjergjin në shkollën e sulltanit (icogllanëve) që përgatiste komandantë e nënpunës.

    Natyra i kishte dhënë dhunti mendore e fizike. Atje mori emrin Iskender (Aleksandër). Pas mbarimit të shkollës, Gjergj Kastrioti "(Skënderi)" kreu detyra ushtarake në Ballkan e në Azinë e Vogël, duke u dalluar për trimëri dhe për këtë arsye iu dha titulli bej. Ai nuk e harroi kurrë Atdheun e tij të dashur dhe priste me padurim rastin të kthehej në tokën që e lindi. Për mëse 12 vjet (1426-1438) ishte në Shqipëri. Me vdekjen e të atit, ai shpresonte t'i zinte vendin, por në fakt sulltani e emëroi sanxhakbej jashtë tokave shqiptare.

    Megjithatë Skënderbeu nuk hoqi dorë nga ideja për t'u kthyer përfundimisht në Shqipëri, deri në vitin kur ai u nis kundër Janosh Huniadit nën komandën e bejlerbeut të Rumelisë.

    Më 3 nëntor 1443 në afërsi të Nishit, u ndeshën dy ushtritë. Ushtria osmane u shpartallua dhe u tërhoq në panik. Skënderbeu filloi të zbatonte planin e kryengritjes, së bashku me 300 kalorës shqiptarë e me të nipin Hamza Kastrioti, u kthye në Dibër, ku populli e priti si çlirimtar. Mori masa për përforcimin e rrugëve nga mund të vinin osmanët, dhe prej andej iu drejtua Krujës. Me një ferman të rremë shtiu në dorë qytetin e garnizonin dhe kështu më 28 nëntor 1443 u shpall rimëkembja e principatës së Kastriotëve. Mbi kështjellën e Krujës u ngrit flamuri me shkabën e zezë dykrenare.

    Fjalimi i Skënderbeut nxiti frymën atdhedashëse. Kryengritja çlirimtare u bë e përgjithshme. Gjatë dhjetorit, Shqipëria e Mesme dhe e Veriut u spastruan nga forcat osmane, u çliruan njëra pas tjetrës kështjellat e kësaj zone.

    Skënderbeu ishte organizatori i Kuvendit të Arbërit, në të cilin u zgjodh si prijës i Lidhjes Shqiptare të Lezhës.

    Në janar të vitit 1468 Skënderbeu u sëmur gjatë zhvillimit të një Kuvendi të thirrur nga ai, në të cilin ishin të ftuar të gjithë princat shqiptarë. Vdiq me 17 Janar 1468 në Lezhë.

    I mbuluar me lavdi, ai u varros në Lezhë. Shqiptarët humbën prijësin e lavdishëm që i udhëhoqi për 25 vjet rrjesht. E shoqja me të birin emigruan, sikurse edhe një pjesë e parisë shqiptare, për në Itali.

    biligoa
    Toger
    Toger

    Numri i postimeve : 308
    Join date : 08/01/2009
    Location : MK. DIBËR

    Re: Figura të Shquara Kombëtare-

    Mesazh nga biligoa prej Sun 11 Jan 2009, 01:58

    Gjergj Kastrioti Skënderbeu - Hero Kombëtar

    Gjergj Kastrioti - Skënderbeu (1405 - 17 janar 1468) sintetizon një epokë të tërë historike që mori emrin e tij: luftën njëshekullore kundër pushtimit osman (fundi i shek. XIV - fundi i shek. XV). Nën udhëheqjen e tij, lufta e shqiptarëve u ngrit në një shkallë më të lartë e më të organizuar dhe shënoi një kthesë vendimtare në zhvillimin politik të Shqipërise.

    Gjergj Kastrioti - Skënderbeu ishte përfaqësuesi më konsekuent dhe më i shquar i elitës drejtuese shqiptarë që udhëhoqi më vendosmëri frontin e luftës së shqiptarëve kundër pushtuesve osmanë. Ai realizoi të parin bashkim të shqiptarëve, Lidhjen shqiptarë të Lezhës, e cila hapi rrugën e krijimit të shtetit të pavarur shqiptar, themeluesi i të cilit u bë ai vetë.

    Kujdes të veçantë Skënderbeu i kushtoi ruajtjes së burimeve të brendshme ekonomike, tek të cilat u mbështet lufta. Duke fuqizuar mbrojtjen në brezin kufitar, në lindje e në jug, ai i dha mundësi banorëve të viseve të lira të zhvillonin një veprimtari ekonomike deri diku normale.

    Krahas mbrojtjes së vendit, Skënderbeu i kushtoi vëmendje çlirimit të viseve të pushtuara që ndikoi në formimin e mëtejshëm të lidhjeve më banorët e këtyre viseve dhe në forcimin e bashkimin e të gjithë popullit shqiptar.

    Aftësitë e Skënderbeut si burrë shteti spikatën edhe në marrëdhëniet me vendet e tjera. Duke patur të qartë së rrezikut osman mund t’i bëhej ballë vetëm më sukses vetëm me forca të bashkuara, Skënderbeu kërkoi parreshtur pjesëmarrjen e vendeve evropiane në luftë kundër armikut të përbashkët.

    Në kushtet e pabarazisë së theksuar ndërmjet forcave osmane dhe atyre shqiptare, Skënderbeu përpunoi shtrategjinë dhe taktikën e tij luftarake, në bazë të së cilës qëndronte mendimi se fitorja nuk mund të varej nga numri i ushtarëve. Ai mbante armikun në alarm të përhershëm, i priste rrugën e fuqizimet dhe, pasi e kishte futur në kurth, e godiste me sulme të fuqishme e të befasishme.

    Skënderbeu u shndërrua në simol të luftës për liri e pavarësi. Ai mbeti një figurë e dashur për shqiptarët edhe pas vdekjes së tij. Kujtimi i tij mbeti gjithnjë i gjallë nëpër këngët, gojëdhënat e tregimet e shumta popullore që i dhanë atij tiparet e një figure legjendare.

    Vepra dhe figura e Skënderbeut kishte përmasa dhe rëndësi evropiane. Ai u vlerësua lart nga personalitetet e shquara evropiane të kohës. Këtë e dëshmon edhe fakti së për Skënderbeun është shkruar një literaturë e shumëllojtë, prej qindra vëllimesh, të botuara në shumë gjuhë, dhe në të katër anët e botës.

    Prof. Flamur BAJRAMI

    Numri i postimeve : 5
    Join date : 19/02/2009
    Age : 104
    Location : Gjilan, Vilajeti i Kosoves, Shqipria Natyrale

    Re: Figura të Shquara Kombëtare-

    Mesazh nga Prof. Flamur BAJRAMI prej Sun 22 Feb 2009, 00:17

    M E T U SH K R A S N I Q I

    (19.08.1928-15.10.1986)

    Simboli i Qendreses Shqiptare



    Metush Krasniqi u lind më 19 .08. 1928, në Dajkoc,fshat i cili kufizohet me Muqivercin,Bllaten dhe Qarakovcin, pra i takon fshatrave te Komunes se Dardanes (ish Kamenices). Ciklin e ulet te shkolles fillore e kreu ne fshatin Hodonoc (Komuna e Dardanes) edhe ate ne gjuhen serbe, ndërkaq nga klasa e peste e deri ne te teten dmth nga viti 1942-1946 i vijoi dhe kreu në Gjilan në gjuhën shqipe.
    Gjate viteve ‘47-‘49 bace Metushi do te kryej një kurs pedagogjik në qytetin e Pejës e të Gjakovës ku me pastaj ne vitin 1950 merr diplomën per mesimdhenes mësues në Shkollën Normale të Gjakovës.
    Në vitin 1950-1951, filloi punën si mësues në shkollën fillore në fshatin Shipashnicë të Epërme diku 6 km larg Dajkocit. Aty ku do te vepronte e punonte i madhi bace Metush Krasniqi, menjehere krijonte miqe dhe bashkpunetore dhe rendom nendeja e oda temat e bisedes ishin ato te historise, pra qeshtja kombetare shqiptare.I frymëzuar nga shume veprimtarë te LNDSH, në Shipashnicë së bashku me kolegët e vet themelon orgnaizatën ilegale "Partia Revolucionare për Bashkimin e Tokave Shqiptare me Shtetin Amë". Autoritetet e arsimit, vetëm një vit më vonë Metushin e transferojnë në shkollën e Strezovcit njeashtu ne Komunen e Dardanes por shume me larg vendlindjes se tij . Aty punoi një vit dhe u transferua në Hogosht, ku e gjeti arsimtarin e gjuhës shqipe Ndue Nekajn.

    Pas një viti Metushin e transferuan në shkollën fillore të Muçivercit dhe në vitin shkollor 1955/56 me vendimin e organeve arsimore të Rrethit të Dardanes(ish-Kamenicës), shkolla 8 klasëshe e Muçivercit, me gjithë arsimtarët e mjetet mësimore u bart në Roganë dhe për çudi po me atë vendim, M.Krasniqi u emrua drejtor i pare i shkollës fillore në këtë fshat.



    Në vitin 1957 pas ndjekjeve dhe burgosjeve detyrohet të shpërngulet në Shkup.

    Atje krahas punës në arsim me përkushtim vepron në organizatën "Partia Revolucionare..." Në nëntor 1958 burgoset dhe dënohet me 18 vjet burg të rëndë, prej të cilave i mbanë vetëm 8 vite. Pas daljes nga burgu Metushi i kaloi disa vjet në fshatin e lindjes në Dajkoc, ku i kryente të gjitha punët e fshatit. I entuziazmuar nga hovi që kishte marrë shkollimi, Metushi më pas regjistrohet në Fakultetin Juridik në Prishtinë, dhe në vitin 1970 u punësua në shkollën e mesme teknike "19 Nëntori" në Prishtinë. Mirëpo, atë nuk e lanë të punoj i qetë. Me vendim të Dushan Ristiqit - Kryetar i KK të LKJ të Prishtinës dhe të kryeudbashit në Gjilan Aleksandar Cana Periq, Metushi u largua nga arsimi.

    Metush Krasniqi meqë gëzonte një autoritet të madh në mesin e rinisë shkollore dhe universitare në Kosovë por edhe në Maqedoni, ai kishte formuar një rreth të gjerë shokësh besnik si: Hasan Dermakun, Rexhep Malën e Skender Kastratin nga Hogoshti; Njazi Korçën nga Gmica, Kadri Zekën nga Poliçka, Ethem e Fehmi Bajramin nga Malisheva e Gjilanit; Rexhep Elmazin e Rafet Bajramin nga Gjilani; Jusuf Gërvallën, Zeqir Gërvallën e Sabri Novosellën në Prishtinë e shumë të tjerë. Në vitin 1976 Metush Krasniqi vihet në krye të Organizatës "Lëvizja Nacional-Çlirimtare e Kosovës dhe e Viseve tjera Shqiptare në Jugosllavi".
    Gjatë atyre viteve bënë përpjekje për bashkimin e të gjitha grupeve ilegale në një organizatë të fuqishme. Metush Krasniqi gjatë viteve të 80-ta punoi në ilegalitet të thellë, por megjithatë UDB-a permes informatorëve shqiptar,dinte për aktivitetin e Metushit dhe më 4 nëntor 1981 burgoset,torturohet rëndë nga udbashi Selim Brosha e shumë të tjerë.
    Pas katër muaj lirohet në gjendje të rëndë shëndetësore. Shume here gjate ndejave me miqe e shoke te idealit Bace Metushi thoshte se shume me lodhin e malltretojne me keto biseda informative, qeshte me e keqja shumica e provokatoreve dhe gjakpirseve jane shqipfoles- shqipetare.



    Më 4 nëntor 1985 ne mengjes forca policore te sistemit te atehershem serish ia mesuejne shtepise se tij ne Prishtine, Metush Krasniqi sërish burgoset dhe gjatë shtatë muaj e pesëmbëdhjetë ditëve sa e mbajtën në burgjet e Prishtinës e të Mitrovicës, rrahet e torturohet në mënyrat më mizore. Pasi e kishin dërmuar për vdekje UDB-a më 16 qershor 1986 e liron nga burgu dhe më 15 tetor 1986 ky atdhetar i devotshëm,simboli i rezistences kombetare duke mos pasur shërim ndërroi jetë. Varrimi i tij u bë sipas amanetit te tij nen dardhen e Jahise ne fshatin e lindjes Dajkoc.



    Ndonese varrimi i tij eshte bere ne prezence te forcave poicore, pjesmarrja e shokeve te idealit dhe rrethit nuk kishte munguar, qeshte me e keqja nga frika shume adhurues, dashamire dhe njerez te rretit nuk ishin ne varrim thone familja e tij. Me kujtohet se te pranishmit ne pershendetjen e fundit dhene mesuasit dhe atdhetarit te tyre nderonin me rite fetare Bace Metushin por kurr sdo ta harroj figuren e Sabit Kastratit (i Ati i deshmorit Isa Kastrati) dhe te vellait Qemajlit nga Hogoshti ku i bene nderime disa here me radhe dhe fytyrat e tyre ishin te lara me lote…

    Ndrron jete simboli i rezistences Metush Krasniqi me deshiren e tij qe trojet shqiptare te bashkohen nje dite, pas vete la bashkeshorten dhe femijet Xhevatin, Mitatin (Mjek ne Gjermani) Besnikun (tani ne Australi) dhe vajzat Lulja e Teuta. Pas vete kalene edhe nje mori deshmishe dhe letrash nga burgu.

    Pas vepres dhe aktivitetit plot nje jete te Bace Metushit shume bashkeatdhetare e kujtojne me krenari sakrificen e tij, ne vitin 1998’1999 me iniciative te disa bashkeatdhetareve ne Gjermani themelohet shoqata atdhetare “Metush Krasniqi” me seli ne Dortmund, bartesit e saj ishin nga Komuna e Dardanes si Shaip Thaqi, Ramadan Latifaj, Asllan Krasniqi, Njazi Biqku e shume e shume te tjere.

    Me pastaj disa rruge kane marre emrin e Metush Krasniqit si ne komune edhe me gjere megjithekete shkolla fillore ne Rogaqice(Rogane) ku edhe ishte drejtori i pare i saj sot me plot krenari mban emrin e bashkevendasit te saj Metush Krasniqi.

    Torturat kunder Bace Metushit

    Metush Krasniqi u torturua dhe u rrah ne menyren me te vrazhde dhe me mizore Ai rrefente se"Ditën e natën më mbanin në birucë të errët, ku dridhesha nga të ftohtit e fryma më zihej nga lagështia. Natën më merrnin në pyetje, më torturonin në mënyrat më brutale: më sillnin me kërbaç, me shqelma, me shufra të hekurit... dhe ashtu të dërmuar më hudhnin në birucë. Betoni i lagsht kundërmonte erë mbytëse. Biruca ishte shumë e ngushtë. Rrija të shumtën galuc. Sapo më futnin në birucë menjëherë më merrte gjumi, por kriminelët nuk më linin të qetë as aty. E kishin hapur në tavanin e birucës një vrimë dhe çdo 15 minuta prej andej pikonte pika e ujit të ftohtë - ditën e natën. Ashtu i dërrmuar nga torturat e marrjes në pyetje që zgjatnin orë të tëra pa ndërprerje, i rraskapitur, pa ngrënë e pa pirë, pa gjumë një kohë të gjatë, më merrte gjumi menjëherë.

    Por, sa më merrte gjumi, pika e ftohtë e ujit pikonte përsëri në fytyrë, në dorë ose në ndonjë pjesë tjetër të trupit - më dilte gjumi.

    KUSH E TRADHTOI METUSH KRASNIQIN?!',

    Metush Krasniqi ndonese e rrahin dhe e dërmojne shpeshherë për vdekje,kurr asnjë fjalë nuk e foli për bashkëpunëtorët e vet dhe ansjëri prej tyre nuk u arrestua me atë rast.
    Në kohë të fundit Metush Krasniqi dhe orgnaizata e tij kishin informata se MEHMET NUREDIN DERMAKU mund të kishte hyrë në shërbim të UDB-ës, por nuk donin ta besonin. Në të vërtet Mehmeti ishte vënë në shërbim të saj, ngase më 3 nëntor 1958 përgaditi arrestimin e bace Metushit në një lokal (në Shkup) nga disa inspektor të UDB-ës.



    Ndërkaq një ditë më përpara, më 2 nëntor 1958 burgoset Mark Gashi në Preshevë, kurse më vonë më 19 nëntor-burgoset Sejdi Kryeziu në Topanicë, më 20 nëntor Mehmet Ajeti në Zarbicë, e të nesërmen edhe Qemajl Kallaba në Roganë. Gati pas tre muajve, më 29 janar 1959, burgoset edhe spiuni i UDB-ës - Mehmet Nuredin Dermaku, në Shipashnicë të Epërme. Me rastin e bastisjes së shtëpive të Metushit, të Markut, të Sejdiut, të Qemajlit e të Mehmet Ajetit, policët e udbashët nuk gjetën asnjë material që lidhet me organizatën.



    Ndërkaq te Mehmet N.Dermaku (të cilit iu është besuar ruajtja dhe fshehja e materialit) në arkën e petkave të bashkëshortes së tij, UDB-a - gjeti referatin që kishte mbajtur Metush Krasniqi në mbledhjen e organizatës së tyre, skicën e formacionit ushtarak - Brigadës së Anamoravës Lindore, Proklamatën e drejtuar popullit shqiptar të Kosovës e trojeve etnike shqiptare, trakte e disa poezi të Metushit dhe një shqiponjë të vizatuar .
    Të gjitha këto materiale mjaftuan që UDB-a t´i zhvillonte hetimet, e prokurori ta qëndiste aktakuzën, kundër veprimtarëve të "Partisë Revolucionare për Bashkimin e Tokave Shqiptare me Shtetin Amë".

    Procedura hetimore ndaj të arrestuarve, nga udbashët Jovo Gariq, Ilija Vujoviq, Shaban Kajtazi, Vlada - Shef i UDB-ës në Kamenicë etj., që nga dita e parë filloj me torturat më të egra. Derisa udbashët e ndërronin njëri tjetrin (pushonin), të burgosurit duhej t'u qëndronin troturave të secilit.





    Prof. Flamur BAJRAMI

    Sponsored content

    Re: Figura të Shquara Kombëtare-

    Mesazh nga Sponsored content Today at 12:36


      Ora është Sat 03 Dec 2016, 12:36